Belarýs birqatar kórshiles elmen shekarany japty

MINSK. BELTA – QazAqparat – Kórshiles memleketterde epıdemıologııalyq ahýaldyń kúrdelenýine baılanysty Belarýs eli jerústi transportymen óz aýmaǵyna kirýdi ýaqytsha shektedi. Bul týraly BELTA agenttigine Memlekettik shekara komıtetiniń resmı ókili Anton Bychkovskıı málim etti, dep habarlaıdy QazAqparat.

Ótkizý pýnkteri arqyly Latvııa, Lıtva, Polsha jáne Ýkraına elderinen azamattardyń jekelegen sanatyna kirýge ruqsat joq.

Bul tyıymnyń dıplomatııalyq jáne qyzmettik pasporttarmen qujattalǵan dıpókildikter men konsýldyq mekemelerdiń qyzmetkerlerine, avtomobılmen halyqaralyq tasymaldy júzege asyratyn kólik júrgizýshilerine, halyqaralyq temirjol baǵyttarynyń poıyz jáne lokomotıv brıgadalaryna qatysy joq.

Aıta keteıik, Mınskiniń Ulttyq áýejaıyndaǵy ótkizý pýnktinde atalmysh shekteýler engizilmegen.

Foto: belta.by