Belarýs bıligi 9 jyl boıy izdeýde júrgen qazaqstandyqty ekstradıtsııalady

ASTANA. QazAqparat - Qazaqstan Respýblıkasy Bas prokýratýrasy Belarýs Respýblıkasyna izdeý jarııalanǵan azamatsha M-dy qylmystyq jaýapkershilikke tartý úshin ustap berý týraly ótinish jasaǵan bolatyn. Belarýs tarapy osy ótinishti qanaǵattandyrdy. Búgin qylmysker Qazaqstanǵa jetkizildi, - dep habarlaıdy QazAqparat QR Bas prokýratýrasynyń baspasóz qyzmetine silteme jasap.

«Qazaqstannyń quqyq qorǵaý organdary azamatsha «M» - ǵa 9 jyldan astam ýaqyt izdeý jarııalap kelgen edi. Ol páter alaıaqtyǵyn jasady dep aıyptalǵan bolatyn. Qazirgi ýaqytta «M» Astana qalasynyń tergeý ızolıatoryna qamaldy», - delingen baspasóz baıanynda.

Eske sala ketsek, buǵan deıin elder arasyndaǵy kelisimge sáıkes, Aýǵanstannan Qazaqstan azamaty da ekstradıtsııalanǵan. Ol terrorlyq topty qurý, basqarý, onyń qyzmetin qarjylandyrý jáne Atyraý oblysy aýmaǵynda terrorlyq qylmystar jasaǵany úshin aıyptalǵan, 2011 jyldan bastap izdeýde bolatyn.