Belarýs áskerı delegatsııasy Qazaqstanǵa keldi

NUR-SULTAN. QazAqparat - Qazaqstan Respýblıkasy Ulttyq ulanynyń Bas qolbasshysy general-leıtenant Rýslan Jaqsylyqov elimizde qyzmet babymen is-saparda júrgen Belarýs Respýblıkasy Іshki ister mınıstriniń orynbasary – ishki áskerler qolbasshysy general-maıor Nıkolaı Karpenkov bastaǵan delegatsııamen kezdesti, dep habarlaıdy QazAqparat tilshisi QR Ulttyq ulanynyń baspasóz qyzmetine silteme jasap.

Ekijaqty áńgime kezinde qos el kúsh qurylymdary arasyndaǵy ornaǵan qarym-qatynasqa tolyqtaı rızashylyq bildirdi.

Kezdesý barysynda Ulttyq ulan Bas qolbasshysy general-leıtenant Rýslan Jaqsylyqov qonaqtardy quqyqtyq tártip áskeriniń qyzmettik-jaýyngerlik áreketi jáne atqaratyn negizgi mindetterimen tanystyryp ótti.

Sondaı-aq, taraptar Qazaqstan Ulttyq ulany men Belarýs ІІM ishki áskerleri arasynda quqyq qorǵaý salasyndaǵy yntymaqtastyqty damytýdyń kókjıekteri men ózara qarym-qatynasty nyǵaıtýdyń joldaryn atap ótti.

Elordadaǵy is-sapary kezinde Belarýs eliniń delegatsııasy Ulttyq ulannyń Áskerdi basqarýdyń ortalyǵynyń múmkindikteri, 5573 áskerı bóliminiń qyzmettik-jaýyngerlik áreketi jáne áskerı qalashyqtyń ınfraqurylymymen tanysyp, QR Tuńǵysh Prezıdenti – Elbasy atyndaǵy Ulttyq qorǵanys ýnıversıtetinde boldy.

Sapar aıasynda eki el kúsh qurylymdarynyń jetekshileri Ulttyq ulan Bas qolbasshylyǵy aýmaǵyndaǵy «Dostyq alleıasynda» ózara qarym-qatynasty nyǵaıtýdyń belgisi retinde birlesip aǵash otyrǵyzdy.

Ári qaraı belorýsstyq delegatsııa elimizdiń Almaty, Óskemen jáne Semeı qalalaryna sapar shegip, onda Ulttyq ulannyń arnaıy maqsattaǵy bólimshelerge arnalǵan Jaýyngerlik jáne ádistemelik daıyndyq ortalyǵy jáne Daǵdarysqa qarsy oqý ortalyǵynyń múmkindikterimen tanyspaq.