Belarýs 9 mamyrda koronavırýsqa qaramastan áskerı sherý ótkizedi

NUR-SULTAN. QazAqparat – Belarýs Prezıdenti Aleksandr Lýkashenko qatysqan jıynda Jeńis kúnine arnalǵan is-shara men epıdemıologııalyq jaǵdaı talqylandy, dep habarlaıdy QazAqparat BELTA agenttigine silteme jasap.

«Qazirgi kúni indettiń taralýyn birqalypty ustap turmyz. Infektsııalyq aýrýlarǵa qatysty aıtar bolsaq, biz maǵan eki aı buryn baıandalǵan boljam boıynsha kele jatyrmyz», - dep málimdedi memleket basshysy.

Aleksandr Lýkashenko Jeńis kúnine arnalǵan is-shara buryn usynylǵanyn atap ótti.

«Biz qazir jospar boıynsha kele jatyrmyz. Oǵan qosa, is-sharany bizdiń shekaramyzda ótip jatqan NATO oqýmen baılanystyryp keń aýqymda qarastyryp jatyrmyz. Meniń oıymsha biz Soltústik Atlant blogy bizdiń shekaralarymyzda josparlaǵan is-sharalarǵa den qoıýda. Birlesip belgilegen jospardan mıllımetrge de sheginbedik. Ras, «NATO burynǵydaı aýqymdy is-shara ótkizýdi josparlamady» dep málimdelgennen keıin túzetý engizildi. Sáıkesinshe, biz ony durys qabyldadyq», - dep málimdedi Aleksandr Lýkashenko.

Jalpy Prezıdent epıdemıologtar men vırýsologtardyń pikirinshe, parad qaýipti emes ekenin atap ótti.

«Óıtkeni ol laıyqty túrde uıymdastyrylady. Bul týraly biz keıinirek aıtamyz. Múmkin sol parad trıbýnasynan habarlarmyz», - dedi ol.

Onyń aıtýynsha, keıbir áskerı bólimsheler ǵana qazir polıgondarda, jattyǵýyn jalǵastyryp jatyr.

«Biraq negizgi áskerıler turaqty dıslokatsııa ornyna – kazarmalarǵa qaıtaryldy», - dep atap ótti Aleksandr Lýkashenko.