Belarýs 2018 jyldan bastap Reseıdiń elektr qýatynan bas tartady

ASTANA - QazAqparat - Belarýs 2018 jyldan bastap elekt qýatynyń ımportynan tolyqtaı bas tartady, onyń ishinde Reseıdiń de ónimi bar. Bul týraly osy eldiń energetıka mınıstri Vladımır Potýpchık parlamentte málimdedi, dep habarlaıdy TASS .

«Biz Reseıden elektr qýatyn ımporttaý  jónindegi kelisimderdi aıaqtadyq. Reseı usynyp otyrǵan baǵamen biz elektr qýatyn satý alýdan bas tartamyz. Ózimizdikin óndiremiz. 2018 jyldan bastap, elektr qýatyn ımporttaýdan tolyqtaı bas tartamyz»,-dedi ol.

Osy eldiń vıtse-premeri Vladımır Semashkonyń aıtýynsha, respýblıkada salynyp jatqan AES shetten elektr qýatyn satyp alýdy toqtatýǵa tolyq múmkindip berip otyr.

Buǵan deıin Belarýs Reseıden 2017 jyly 2,5 mlrd kVt/saǵ satyp alyp jáne 1 mlrd kVt/saǵ elektr qýatyn qosymsha saqtap qoıǵan bolatyn.

Belarýs sonymen qatar Ýkraınadan da elektr satyp alyp kelgen, alaıda 2017 jyldan bastap bul ımport toqtatyldy.