Belarýs 2014 jylǵy álem arýy jeńimpazynan bas tartty
ASTANA. QazAqparat - Mınsk qalasynda "Álem arýy-2014" sulýlyq baıqaýynyń jeńimpazy atanǵan Marına Alekseıchıkti Belarýs eliniń ókili dep ataǵanyna tańdanýda. Bul týraly elde ulttyq sulýlyq baıqaýlaryn ótkizip, qatysýshy boıjetkenderdi halyqaralyq deńgeıdegi baıqaýlarǵa daıyndap júrgen belarýstik ONT arnasynyń baspasóz qyzmetkeri ıÝlııa Dýbovskaıa habarlady.
«Ádette osyndaı baıqaýlardyń uıymdastyrýshylary bizge kelip, qatysýshyny tanystyrýǵa ótinishin beredi. Bul uıymdastyrýshylar (Amerıkanyń Merılend shtatynda ótken baıqaýdy) bizge múldem kelgen joq», - deıdi Dýbovskaıa RIA Novostı agenttigine bergen túsiniktemesinde.
Onyń aıtýynsha, eldegi ulttyq baıqaýlardyń uıymdastyrýshylary Alekseıchık týraly alǵash estip otyr. «Biz bul jeńimpazdy tanymaımyz. Osyndaı baıqaýdyń tipti ótetinin de bilmedik», - dep atap ótti baspasóz hatshysy.
Dýbovskaıa halyqaralyq baıqaýlarda Belarýs atynan dástúrli túrde ulttyq saıystardyń jeńimpazdary shyǵatynyn jáne aǵymdaǵy jyly osyndaı baıqaýda («Belarýs arýy») ıÝlııa Peregýdova jeńimpaz atanǵanyn baıandady.
Buǵan deıin «Álem arýy-2014» baıqaýynyń jeńimpazy Belarýstiń 31 jastaǵy ókili Marına Alekseıchık atanǵany týraly habarlaǵan bolatynbyz.
