Belgııanyń Shıme qalasyndaǵy jarylystyń sebebine boljam jasaldy
ASTANA. QazAqparat - Ózin-ózi óltirý - Belgııanyń Shıme qalasyndaǵy jarylystyń sebebi bolýy yqtımal. Bul týraly Belgııa syrtqy ister mınıstrligine silteme jasap, RIA Novostı habarlady.
«Biz áli 100 paıyz senimdi emespiz, alaıda ózin-ózi óltirý maqsatynda turmys gazynyń jarylýy múmkin. Basqa eshqandaı túsinikteme joq», - dep agenttikke suhbat berýshi oqıǵanyń lańkestikke esh qatysy joq ekenin atap ótti.
26 tamyzǵa qaraǵan túni Shıme (Eno provıntsııasy) qalasyndaǵy sport ortalyqtarynyń birinde jarylys boldy. Sol sátte ǵımarat ishinde bes adam bolǵan. Onyń biri qaza taýyp, ekeýi jaralandy, taǵy ekeýi jeńil jaraqat alǵan.
Jarylystyń sebebi resmı jarııalanǵan joq. Oqıǵa ornynda órt sóndirýshiler men qutqarý qyzmeti jumys isteýde.
