Belgııanyń premer-mınıstri koronavırýsqa qarsy vaktsınanyń býsterlik dozasyn aldy

BRıÝSSELЬ. QazAqparat – Belgııa úkimeti rojdestvolyq merekeler qarsańynda sanıtarlyq qaýipsizdiktiń qosymsha sharalaryn engizýde. Otyrys bolǵan kúni eldiń premer-mınıstri Aleksandr De Kroo COVID-19 vırýsyna qarsy vaktsınanyń úshinshi dozasyn alǵanyn jarııalady, dep habarlaıdy QazAqparat.

«Elimizde koronavırýstyń «delta» shtamymen kúres júrgizýge baǵyttalǵan sharalar kesheniniń iske qosylǵanyna úsh apta boldy, biz olardyń (sharalardyń) rasymen de kómektesip otyrǵanyn kórip otyrmyz: ınfektsııa juqtyrý jaǵdaılary azaıýda», - dedi baspasóz konferentsııasynda A.Kroo.

«Biraq, bul sandarǵa qaramastan, alańdaýǵa áli de sebep bar ekeni anyq: vırýstyń omıkron nusqasy jaıly estip júrgenimiz jaqsy jańalyq emes», - dep qosty ol.

Sarapshylardyń baǵalaýynsha, vırýstyń bul nusqasy kóp uzamaı Belgııada basym bolady.

«Biz burynǵydan qyraǵy bolýymyz kerek ekeni sózsiz», - dep eskertti belgııalyq premer.

A.Kroonyń aıtýynsha, qazirgi jaǵdaıda «býsterlik» ekpe saldyrtý óte mańyzdy.

«Óz basym, búgin ózime ekpe saldyrttym», - dep qosty A.Kroo.

2021 jyldyń 26 jeltoqsanynan bastap ǵımarat ishinde is-sharalardy ótkizýge tyıym salynady. Kınoteatr, teatr jáne kontsert zaldary óz jumysyn toqtatady. Kitaphanalar, murajaılar jáne sporttyq sharalar burynǵydaı jumys isteıdi. Kádimgi basseınder ashyq bolady, biraq oıyn-saýyq basseınderi (akvapark) jabylýy tıis.

Kóshede palatkalar ishinde ótkiziletin is-sharalar, sonyń ishinde rojdestvolyq jármeńkeler men «qysqy kenttter», mádenı is-sharalar, jınalystar toqtatylady. Budan basqa, 100-den astam adamdy jınaıtyn sharalar úshin jeke kirý jáne shyǵý esikteri qarastyrylǵan birjaqty qozǵalys kestesi qurylýy tıis. Dúkennen bir ýaqytta zat satyp alýǵa 10 sharshy metrge bir adam kirgiziletin bolady. Kásibı jáne áýesqoı sporttyq oıyndar (fýtbol matchtary, velokross) toqtatylady.

Belgııada qashyqtan jumys isteý erejeleri burynǵydaı qalmaq: el azamattary jumysyn aptasyna tórt kún úıden atqarady.

«Bul – densaýlyq saqta júıesine salmaq túsirmeý, mektepterdiń qysqy demalystan keıin 10 qańtarda ashylýyn qamtamasyz etýge baǵyttalǵan sharalar», - dep atap ótti A.Kroo.

Premer-mınıstr bul sharalardyń belgııalyqtar úshin aýyr ekenin qosyp ótti.

«Barlyǵymyz bir jyl kúsh salýdan keıin Rojdestvony basqasha ótkizetinimizden úmittendik. Alaıda bir jyl buryn barlyq barlar men dúkender jabyldy, Shashtarazdar jumysyn toqtatty. Bir-birimizdi kórmeı kettik. Bıyl da osylaı bolýy múmkin. Ótinish, qaýipsizdik sharalaryn saqtańyzdar: qonaqtar sanyn shektep, densaýlyǵyńyzdy kútińizder», - dep úndedi A.Kroo.

Arnur Rahymbekov