Belgııanyń Flandrııa qalasy turǵyndarynyń 90% vaktsına aldy

BRıÝSSELЬ. QazAqparat – Belgııanyń Densaýlyq saqtaý agenttiginiń derekteri boıynsha, Flandrııa qalasynyń 10 eresek turǵynynyń toǵyzy koronavırýsqa qarsy vaktsınany alǵan, dep habarlaıdy QazAqparattyń menshikti tilshisi.

«Qazirgi kezde vaktsınatsııa naýqany aıaqtalýǵa jaqyn. Kóptegen eresek adamdarǵa jaqyn kúnderi vaktsınanyń ekinshi komponenti salynady, jasóspirimder de jappaı vaktsına alýda», - dep málimdedi Rıa Vandenreıt eldiń Densaýlyq saqtaý jónindegi agenttiginiń atynan.

- Biz qazirgi kezde negizgi úsh baǵyt boıynsha jumys istep jatyrmyz: 12-15 jastaǵy balalarǵa vaktsına salýdy jalǵastyramyz, birinshi doza salynbaǵan adamdar men vaktsınanyń ekinshi komponentiniń ýaqytyn jiberip alǵan azamattarmen jumys, dedi densaýlyq saqtaý organynyń tóraǵasy.

Osylaısha, Flandrııa halqynyń eresek bóliginiń 90% vaktsınanyń birinshi dozasyn alǵan. Vallonııada bul kórsetkish – 79%. Al el astanasy Brıýsselde halyqtyń 60%-y vaktsına saldyrtqan.

Belgııalyq mamandardyń oıynsha, Brıýssel qalasyndaǵy vaktsınalaý kórsetkishin kóterý úshin etnıkalyq qaýymdastyqtary aralaıtyn mobıldi vaktsınalaý toptaryn qurý qajet. Atalmysh qaýymdastyqtardy COVID-19-dan qorǵaný boıynsha kampanııa álsiz qamtyǵan.

Arnur Rahymbekov