Belgııalyqtar úıdi jeldetý men energııa únemdeý arasynda tańdaý jasaýǵa májbúr

BRıÝSSELЬ. QazAqparat – Aldaǵy qysta pandemııa jaǵdaıynda úı-jaıdy jeldetý kerek pe, álde energııa baǵasy joǵary bolsa mektep synyptaryndaǵy jylýdy únemdeý kerek pe? Bul jaıynda belgııalyq radıo jergilikti vırýsolog M.Ranstan surady, dep habarlaıdy QazAqparattyń menshikti tilshisi.

«Osy qysta jeldetý men energııany únemdeý arasynda qıyn tańdaý jasaý kerek bolady», - dedi belgııalyq vırýsolog Mark Van Ranst jergilikti VRT Radio 1 radıostantsııasyna bergen suhbatynda.

Eýropadaǵy energııa baǵasynyń buryn-sońdy bolmaǵan deńgeıge jetkenin jáne koronavırýs pandemııasy eńserilmegenin eskere otyryp, osy qysta eýropalyqtar qıyn tańdaý jasaýǵa májbúr bolady.

Leven ýnıversıtetiniń professory Mark Van Ranst koronavırýstyń taralýyn boldyrmaý sharasy retinde «úı-jaıdy jeldetý mańyzdy» ekenin atap ótti.

Energııa qunynyń sharyqtaýy mádenıet zaldary men jeldetýdi qajet etetin basqa da qoǵamdyq ǵımarattar úshin de qıyndyq týǵyzady.

Jergilikti ınjener Lın Pıters jeldetý júıelerin paıdalanýdyń kóbeıýi sózsiz energııanyń qymbattaýyna ákeledi dep sanaıdy.

Vırýsolog Mark Van Ransttyń aıtýynsha, adamdarǵa energııany únemdeý men jeldetý arasyndaǵy tepe-teńdikti tabý qıynǵa soǵady.