Belgııalyqtar Eýropadaǵy eń baı adamdar bolyp tabylady
BRıÝSSELЬ. 18 qańtar. QazAqparat - Belgııalyqtar Eýroodaqqa múshe elderdiń turǵyndary arasynda eń baı adamdar bolyp tabylady, dep habarlaıdy jergilikti BAQ.
«Eýrostat» eýropalyq statıstıkalyq agenttiginiń málimetterine silteme jasaǵan belgııalyq baspasózdiń habarlaýynsha, Belgııanyń úı qojalyqtarynyń qarjylyq jaǵdaıy 981 mlrd. eýroǵa jetedi. 210,9 mlrd. eýrony quraıtyn qaryz deńgeıin esepke alǵanda jınaqtyń jalpy deńgeıi 770,2 mlrd. eýrony quraıdy.
Bir belgııalyqtyń ortasha jınaǵy 67 158 eýrony quraıdy. Qorlary boıynsha ekinshi orynda Nıderlandy turǵyndary, olardyń árqaısysynda ortasha eseppen alǵanda 61 219 eýro kólemindegi jınaqtary bar, úshinshi orynda - Lıýksembýrg (60 366 eýro), tórtinshi - Germanııa (38 302 eýro).
