Belgııalyq tanymal egizder 102 jasqa toldy
ASTANA. QazAqparat - Belgııalyq tanymal egizder Pıter jáne Pvaýlýs Langeroktar 102 jasqa toldy, dep habarlady www.24.kz.
«Bir ǵasyrdan astam ǵumyr keshýdiń kilti - qyzyl sharapta", - dep qaljyńdaıdy aǵaıyndy Langeroktar.
Pıter men Paýlýs esimdi egizder búginde 102 jasta. Qazir olar qarttar úıinde bir bólmede turady. Gent qalasyndaǵy pansıonatqa osydan 3 jyl buryn úı sharýasymen aınalysýǵa múmkindikteri bolmaǵan soń kóshkenin jasyrmady. Sebebi, osy kúnge deıin ekeýi de eshqashan shańyraq kótermegen. Aǵaıyndy Langeroktardyń aıtýynsha, qashan da biriniń qalyńdyǵy ekinshisine unamaı, úılenbeı júre beripti. Osy oraıda ǵasyrdan asa ómir súrip, kópti kórgen qarııalar jastarǵa bylaı dep aqyl-ósıetin aıtty.
«Aqymaqtyq jasamańdar. Eń bastysy, mólsherden tys taǵamdanyp, ishimdikke salyný sııaqty jaman ádetterge úıir bolmańdar. Odan da kóp qydyryńdar. Biraq qyz qýyp júrip almańdar. Teńderińdi tapqan boıda úılenip, bala tárbıeleýge asyǵyńdar», - dedi 102 jastaǵy qarııa Paýlýs Langerok.
Pıter men Paýlýs jer jahandaǵy eń uzaq jasaǵan egizder sanalady. Aǵaıyndylar alda taǵy 3 jyl jasasa, álemdik rekordty jańartady. Ázirge bul jetistik amerıkalyq Glen men Deıl Moıer esimdi egizderge tıesili. Olar 105 jyldyq ǵumyr keshken bolatyn.
