Belgııaǵa kirip-shyǵýǵa salynǵan shekteý alynyp tastaldy

BRıÝSSELЬ. QazAqparat – 19 sáýirden bastap Belgııa turǵyndary men azamattary esh kedergisiz elge kirip-shyǵa alady. Buǵan deıin elde mańyzdy emes saparlarǵa shekteý qoıylǵan. Endi elge kirgender karantındi saqtaý úshin «qatań baqylaýǵa» alynady, dep habarlaıdy QazAqparattiń menshikti tilshisi.

Eýroodaq shekarasynan ótý máselesi boıynsha Belgııa Shengen aımaǵynyń jalpy eýropalyq erejelerine baǵynady.

Belgııaǵa «qyzyl» aımaqtaǵy elderden kelgenderge «Travelers Online» portalynda tirkelýden ótý qajet. Arnaıy jasaqtalǵan forma 2 PTR testin tapsyrýdy mindetteıdi. Atalmysh formany Belgııaǵa kirer aldynda 48 saǵat buryn toltyrý kerek.

El aýmaǵynda saıahatshylar qatań karantın rejımin saqtaýy kerek. Alǵashqy PTR test kelgen kúni tapsyrylýy tıis. Ekinshisi jetinshi kúni tapsyrylady.

Joǵaryda atalǵan erejeni saqtamaǵandarǵa 250 eýro kóleminde aıyppul salynady.

Jetinshi kúni test teris nátıje kórsetse, karantın aıaqtalady. Eger test oń nátıje berse, kelýshi ózin-ózi on kúnge deıin oqshaýlaýy tıis.

Avtory Rýslan Súleımenov