Belgııaǵa kelgen týrıster úshin karantın erejeleri ózgerdi
BRıÝSSELЬ. QazAqparat – Belgııaǵa koronavırýs boıynsha «qyzyl aımaqqa» engen elderden oralǵan jolaýshylar qaıtadan on táýlik boıy karantınde bolýy tıis, dep habarlaıdy QazAqparat menshikti tilshisi.
Belgııanyń Testileý jáne qadaǵalaý federaldy komıtetiniń basshysy Karıne Moıkens elge oralatyn saıahatshylar úshin karantın erejeleri kúsheıtiletinin aıtty.
«2020 jylǵy 18 jeltoqsannan bastap barlyq saıahatshy jolaýshylar izdeý paraǵyn (PLF) toltyrýy kerek, al «qyzyl aımaqtan» keletin adamdar jetinshi kúni mindetti túrde PTR testinen ótip, on kún boıy karantınge jiberilýi kerek», -dedi K.Moıkens.
Eger test nátıjesi teris bolsa, onda jolaýshy karantınnen shyǵarylady.
Avtor: Arnur Rahymbekov
