Belgııaǵa barǵan myńnan astam mıgrant óz erkimen elderine orala bastady
ASTANA. QazAqparat - Byltyr Iraktan Belgııaǵa bosyp barǵan myńnan astam mıgrant endi óz erkimen Otanyna orala bastady, dep jazady 24.kz.
Olardyń barlyǵy ekonomıkalyq kirmelerge jatady. Sondyqtan bosqyn retinde baspana alýǵa quqy joq. Bul týraly eýropalyq eldiń Іshki ister mınıstrligi málimdedi. Quzyrly organ ókilderi: «111 adamnan turatyn alǵashqy top, onyń ishinde birneshe otbasy búgin charterlik reıspen Baǵdatqa attanyp ketti», - dep málimdedi.
Jol shyǵynyn Belgııa bıligi ózi kóterip otyr. Jergilikti sheneýnikter mıgranttardy qaıtarýǵa arnalǵan mundaı sapardy álemde, odan qaldy Eýropada alǵash ret qolǵa alǵanyn jetkizdi. Biraq sarapshylar muny joqqa shyǵaryp, mundaı áýe tasymalyn Ulybrıtanııa, Germanııa men Shvetsııa áldeqashan júzege asyryp qoıǵanyn aıtady. «Tipti charterlik reıspen deportatsııa jasaý týraly arnaıy ereje Shengen keńistiginiń zańnamasynda da bar», - deıdi olar.
