Belgııaǵa attanar aldynda el quramasy eki myqty fýtbolshysynan aıyryldy
NUR-SULTAN. QazAqparat - Belgııaǵa attanar aldynda Qazaqstan quramasy eki kóshbasshysynan aıyryldy. Bul oıynǵa Azat Nurǵalıev pen Dmıtrıı Shomko qatysa almaıtyn boldy, dep habarlaıdy sports.kz.
Búgin bizdiń komanda eki jattyǵý ótkizdi. Ókinishke oraı, «Tobyldyń» jartylaı qorǵaýshysy Azat Nurǵalıev pen «Astana» qorǵaýshysy Dmıtrıı Shomko jaraqat alýyna baılanysty eldiń bas komandasynan bosatyldy. Komandadan shyǵyp qalǵan oıynshylardyń ornyna shymkenttik «Ordabasy» komandasynyń fýtbolshysy Tımýr Dosmaǵambetov alyndy.
Qorǵaýshy Gafýrjan Súıimbaevtyń jalpy topqa qaıtyp kelýi jaqsy jańalyq boldy.
Aıta keteıik, Belgııa - Qazaqstan matchy maýsymnyń 8-nen 9-na qaraǵan túni bolady. Kezdesý elorda ýaqytymen 00: 45-de bastalady.
Al 11 maýsymda «Astana Arena» stadıonynda Qazaqstan ulttyq quramasy San-Marıno qurama komandasyn qabyldaıdy. Kezdesý ýaqyty 20:00.
