Belgııadan Ekinshi dúnıejúzilik soǵystyń ardageri qazaqstandyqtardy Jeńis kúnimen quttyqtady
«Búkil qazaqstandyq halyqty osy merekemen quttyqtaǵym keledi. Bul meniń ómirimdegi úlken mereke. Bizdiń keńes armııasy gıtlerlik basqynshylarǵa qarsy kúres júrgizdi. Olar búkil eýrazııany quldyqqa salmaq boldy, biraq ta bul múmkin bolmaı shyqty. Biz olarǵa toıtarys berdik. Qıyndyqtar da boldy, biraq biz qarsy tura bildik. Men Eýropany fashızmnen azat etýge qatysqanyma baqyttymyn jáne maqtan etemin», - dedi V.Semıch.
Ardagerdiń aıtýynsha, Balqandy azat etýge qatysqandyqtardyń ishinde KSRO-nyń barlyq halyqtarynyń ókilderi, sonyń ishinde qazaqstandyqtar da boldy. «Biz Belgradty azat ettik. Biz bolashaqqa sendik jáne sol úshin birge soǵystyq. Endi qazir jastarǵa jol ashyq. Sizdiń elge búkil ıgilikterdi jáne órkendeýdi tileımin. Jańa ómirdi quryńdar!», - degen lebizin bildirdi ardager V.Semıch.
Onyń aıtýynsha, Jeńisti Berlınniń mańynda qarsy alǵan, qazir Belgııada turady. Sol soǵysta Belgııada qalǵandardyń kóbi ómirden ótip ketti. Ol azap lagerlerinde, maıdanda, soǵystan keıin kóptegen dostary men týystarynan aıyryldy. Olardyń ishinde qazaqtar, orystar, ýkraındar jáne basqa da burynǵy KSRO-nyń barlyq halyqtary bar edi. Ardager urystarǵa qalaı qatysqany, Belgradty jáne basqa da kóptegen eýropalyq qalalardy qalaı azat etkeni týraly áńgimeledi. Soǵystan keıin Vladımır Semıch Áskerı akademııada oqyǵan, ıÝgoslavııada qýǵyn-súrginge ushyraǵan, odan keıin Belgııaǵa qonys aýdarǵan.
