Belgııadaǵy jarysta veloshabandoz adasyp qaldy
ASTANA. QazAqparat - Ońtústik Afrıka eliniń Dimension Data komandasynyń veloshabandozy Mekseb Debesaı Belgııada ótken E3 Harelbeke klassıkalyq jarysynda adasyp qalyp, máre syzyǵyn kespegen, dep habarlaıdy NU.nl.
Sky klýbynyń sportshysy polıak Mıhal Kvıatkovskıı jeńimpaz atanǵan jarys Belgııada juma kúni aıaqtalǵan.
Máre syzyǵyna 20 kılometr qalǵanda Debesaı baǵytynan jańylyp qalǵan. 24 jasar sportshy esepteýishtiń 206 shaqyrym qashyqtyq júrgenin kórsetken soń adasyp ketkenin uǵady.
Debesaı jolda kezikken bir adamnan jón suraǵan, jergilikti turǵyn sportshyny úıine shaqyryp ústine kıim bergen, tamaqtandyrǵan, jýynyp alýyna ruqsat etken.
«Debesaı adasyp qalyp joldaǵy belgiler boıynsha bizge jetpekke árekettengen. Alaıda durys jolǵa túse almaǵan. Komandasy alańdap aqyry UCI ókilderi men polıtsııaǵa habar berdik. Sportshynyń qaıda ekenin eshkim bilmeı tuǵanda ol ózi telefon soqty», - deıdi komandanyń sport dırektory Per Heınderıks.
