Belgııadaǵy jarylystardyń fotosýretteri men beınejazbalary jarııalandy (FOTO, VIDEO)
ASTANA. QazAqparat - Brssel áýejaıyndaǵy eki jarylystyń fotosýretteri men beınejazbalary jarııalandy.
Olardyń birqataryn oqıǵa kýágerleri túsirgen.
Budan buryn habarlanǵandaı, Brıýssel áýejaıynda eki jarylys boldy. Aldyn ala málimetterge qaraǵanda, 17 adam qaza tapty, 20-dan astamy jaraqattandy. Bul týraly belgııalyq RTBF teleradıokompanııasynan habarlandy.
Jergilikti ýaqytpen tańǵy saǵat 8.00 -de ushý zalynda jarylys oryn aldy. Jarylys saldarynan shatyrdyń bir bóligi qulap, termınal ǵımaratynda shynylar syndy. Reıster ushyrylmaıtyn boldy. Áýejaıǵa aparatyn temir joldar jabyldy.
Bul lańkestik bolýy múmkin. Belgııanyń premer-mınıstri Sharl Mıshel Ulttyq qaýipsizdik keńesin shaqyrdy.
Áýe reısteri Lej jáne Sharlerýa áýejaılaryna jiberildi.
