Belgııadaǵy sý tasqynynan keltirilgen zalal 10 mlrd eýrodan asady
BRıÝSSELЬ. QazAqparat – 14-16 shildede Belgııada sońǵy 100 jylda bolǵan eń aýyr sý tasqynynan keltirilgen zalal, aldyn ala baǵalaýlar boıynsha, 10 mlrd eýrodan asady, dep habarlaıdy QazAqparat RTL-TVI telearnasyna silteme jasap.
«Sý tasqynynan aldyn ala keltirilgen zalaldy Vallonııa (Belgııanyń ońtústik franktildi aımaǵy) úkimeti baǵalaıdy, ol qazirdiń ózinde 10 mıllıard eýrodan asady», - dep atap ótti telearna.
Aptanyń basynda Vallonııa úkimeti aımaqty qalpyna keltirýge 2 mıllıard eýro kólemindegi kómek kórsetý shuǵyl josparyn qurý týraly jarııalady. Bul jospar úshin 800 mln eýro koronavırýs pandemııasynan keıin aımaqty qalpyna keltirýge baǵyttalǵan Vallonııa ekonomıkasyn qoldaýdyń basqa josparynan aýdarylatyn bolady. Sondaı-aq, aımaq úkimeti Eýroodaqtan qosymsha kómek kútetinin málimdedi.
Beısenbi kúni tańerteńgi resmı málimetter boıynsha, Belgııadaǵy nóser jańbyr saldarynan bolǵan sý tasqynynan 32 adam kóz jumǵan, olardyń barlyǵy anyqtaldy, al 18-i habar-osharsyz ketken. On myńnan astam úı qırap, búlingen, osy ýaqytqa deıin 1,5 myńǵa jýyq úı sýsyz, 10,5 myń úı elektr jaryǵynsyz jáne 10 myń úı gazsyz qaldy.
