Belgııadaǵy sý tasqynynan 6 adam kóz jumdy

BRıÝSSELЬ. QazAqparat – «Bernd» tsıklony Belgııa jáne Germanııanyń keıbir bólikterine nóser jaýyn ákeldi, dep habarlaıdy QazAqparat tilshisi.

Belgııanyń Lej jáne Namýr provıntsııalary apat aımaǵy dep jarııalandy.

Beısenbide Lej provıntsııasynda sý tasqyny saldarynan kóz jumǵan tórt adamnyń denesi tabyldy. Osylaısha Belgııada tabıǵat apatynan mert bolǵandardyń jalpy sany altyǵa jetti. Belgııa prokýratýrasynyń habarlaýynsha, olardyń denesi Verve aımaǵynan tabylǵan.

Apatty jaǵdaıǵa baılanysty Eýroodaq shuǵyl kómek kórsetýdi qolǵa aldy. Antverpen, Shyǵys Flandrııa jáne Batys Flandrııadan azamattyq qorǵanys bólimderi jumyldyryldy.

Lej provıntsııasynyń Pepınster mýnıtsıpalıtetinde Azamattyq qorǵanys jáne tótenshe jaǵdaılar qyzmeti adamdardy shatyrda otyrýǵa májbúr bolǵan.