Belgııadaǵy «kartop revolıýtsııasy»: 17 aqpan kúni elde saıası ókimetsizdikke qarsy buqaralyq narazylyq ótkizý josparlanýda
SSELЬ. 11 aqpan. QazAqparat /Dımash Syzdyqov/ - «Bizdiń ýaqytta emes» atty jastar qozǵalysyna kiretin belgııalyq stýdentter toby el azamattaryn 17 aqpan kúni ótetin iri qalalarda,
atap aıtqanda Brıýssel, Antverpen, Genta, Lej jáne Lývenede bir ýaqytta ótetin «kartop revolıýtsııasy» atty saıası ókimetsizdikke qarsy sharalarǵa qatysýǵa shaqyrdy..
Aǵymdaǵy jyldyń 23 qańtary kúni «Masqara» uranymen ótken narazylyq sharasynan aıyrmashylyǵy - aktsııa eldiń tutastyǵyn saqtaýǵa jáne qazirgi áleýmettik qamtamasyz etý júıesin saqtap qalýdy qoldaýǵa baǵyttalatyn bolady. Sonymen qatar narazylyqty uıymdastyrýshylar Týnıste ótken «jasmın revolıýtsııasy», Mysyrdaǵy «faraon revolıýtsııasy», Lıvandaǵy «samyrsyn revolıýtsııasyna» uqsatyp Belgııa sımvoldarynyń biri, XVI ǵasyrdyń ózinde Flandrıı óńirinde (Belgııanyń soltústik óńiri) alǵash ret tamaq retinde usynylǵan kartop tamaǵynyń atymen ótkizýdi sheshken.
Qazirgi tańda Belgııa saıası daǵdarystyń uzaqtyǵy boıynsha Eýropadaǵy rekord ornatqan el bolyp otyr. Aǵymdaǵy jyldyń 17 aqpany kúni saıası daǵdarystyń bastalǵanyna 249 kún tolady, osylaısha Belgııa buryn Irak ornatqan ókimetsizdik boıynsha álem rekordyn jańartady.
