Belgııada jyldyń sońyna deıin telegraf jabylady

ASTANA. QazAqparat - Belgııada 171 jyl jumys istegen telegraf jabylady, dep habarlaıdy Bı-Bı-Sı agenttigi. 29 jeltoqsanda bul jerden sońǵy telegramma jiberilmek.

Messendjerler dáýirinde Belgııada XIX ǵasyr tehnologııasynyń qazirge deıin qoldanylyp kelgeni oǵash kórinýi múmkin.

Ulybrıtanııada 1830 jyldary telegraf jasalyp, odan 1982 jyly bas tartqan bolatyn.
 

AQSh-ta Brıtanııanyń izimen 2006 jyly telegraf habarlamasyn toqtatqan edi. Tipti, buryn álemdegi telegrafty kóp qoldanýshylardyń biri bolǵan Úndistan da 2013 jyly bas tartqan.

Belgııalyq telegrafty sońǵy ýaqytta on shaqty kompanııa men birneshe jeke tulǵalar qoldanǵan. Olardyń basym kópshiligi habarlamany jóneltý men alý faktisi zańdy túrde jazylatyn júıege muqtaj bolǵan jasaýyldar boldy.

Telegrammany arnaıy nómirge habarlasyp, habarlamany aıtyp, ony keıin poshtamen jiberetin bolǵan.

Shekteý qoıylmaǵan sms-habarlama zamanynda Belgııada 20 sózden quralǵan telegrammanyń quny 23 eýro 75 tsent (UB baǵamymen 9 392 teńge-avt.) (Brıýssel men basqa da qalalarǵa jiberý úshin qosymsha 90 tsent) quraıtyndyqtan, telegrammanyń zamanaýı tehnologııalarmen básekelesýi qıynǵa soqqan.