Belgııada jarys kógershini rekordtyq baǵa -1.9 mln dollarǵa satyldy
HALLE. QazAqparat – Belgııada qytaılyq qus jarysynyń fanaty 1.6 mln eýroǵa (1.9 mln dollar) kógershin satyp aldy, dep habarlaıdy QazAqparat Associated Press agenttigine silteme jasap.
Eki aptaǵa sozylǵan aýktsıon nátıjesi jeksenbi kúni belgili boldy. Super Duper jáne Hitman laqap attaryn ıemdengen aýktsıonǵa qatysýshy eki qytaılyq azamat baǵany 280000 eýroǵa kóterip, burynǵy rekord ıesi – byltyr satylǵan Armando atty kepterdiń rekordyn jańartty. Úsh jasar Nıý Kım atty kógershindi Super Duper satyp aldy.
76 jastaǵy qustardy baptaýshy Gaston Van de Vaýverdiń aıtýynsha, zeınetke shyǵýy jáne onyń ulynyń qaraı almaýy kógershinderdiń satylýyna sebep bolyp otyr. Dúısenbige deıin jalǵasatyn aýktsıonda barlyǵy 445 qus satylmaq. Al jalpy satylý baǵasy 5 mln eýroǵa (5.8 mln dollar) jaqyndady.
