Belgııada jalpyulttyq ereýil jarııalanyp, qoǵamdyq kólikter toqtatyldy
ASTANA.QazAqparat - Belgııada jalpyulttyq ereýil jarııalanyp, kólik qozǵalysyn shekteldi. Ereýildeýshiler úkimetten qatań ekonomıka rejimin toqtatyp, zeınetkerlik jasty uzartýdan bas tartýdy talap etti, dep habarlady dw.de.
Belgııa kásipodaǵy dúısenbi, 15 jeltoqsanda jalpyulttyq ereýil jarııalady. El boıynsha 24 saǵatqa poıyz qozǵalysy, sonymen qatar qoǵamdyq kólikter: avtobýs, tramvaı, metro toqtatyldy. Kásipodaqtar halyqaralyq avtobýs jelilerin de shektep, júk kólikteri júrgizýshilerin jolǵa shyqpaýǵa shaqyrdy, dep habarlaıdy AFP agenttigi.
15 jeltoqsanda keshke deıin Brıýssel, Sharlerýa halyqaralyq áýejaılarynda qozǵalys jabylady. Budan Belgııalyq «Brussels Airlines» áýekompanııasy ereýilge baılanysty bes mıllıon eýro shyǵynǵa ushyraýy múmkin.
Eldiń premer-mınıstri Sharl Mıshel basshylyǵymen Belgııa úkimetiniń taýarlar, kórsetiletin qyzmetter baǵasyn kóterý, áleýmettik jeńildikterdi azaıtyp, zeınetkerlik jasyn 65-ten 67-ge uzartýǵa baǵyttalǵan saıasaty kólik qyzmetkerleriniń ereýilge shyǵýyna sebep boldy.
