Belgııada úsh kılometrlik syra qubyry tartylmaq
ASTANA. QazAqparat - Belgııalyq Brıýgge qalasynyń mýnıtsıpalıteti jergilikti syra qaınatý mekemesiniń ıesine jerasty úsh kılometrlik syra qubyryn ótkizýge kelisimin berdi. Bul týraly Euronews habarlady.
Syra daıyndaý zaýytynyń qojaıyny Ksave Vannesteniń sózine qaraǵanda, syrany qubyr arqyly aıdaý qaladaǵy ekologııalyq jaǵdaıdy jaqsartýǵa jol ashady. Sonymen qatar syrany júk kólikteri arqyly tasymaldaý Brıýgge qalasynyń kóne kósheleriniń buzylýyna ákeledi.
Syra jerasty qubyrlary arqyly saǵatyna 6 myń lıtr jyldamdyqpen aǵatyn bolady. Osylaısha ol 10-15 mınýtta úsh shaqyrym jerge jetkizilmek.
