Belgııada túnde jol jıegindegi jaryq óshiriledi
BRıÝSSELЬ. QazAqparat – Belgııanyń Vallonııa ólkesinde saǵat 22:00-den 5:00-ge deıin tas joldardyń ortalyq bólý jolaǵyndaǵy jaryqtandyrý óshiriledi, dep habarlaıdy QazAqparat.
Túnde kóshedegi 20 myń shamdy óshirý josparlanýda. Vallonııa úkimeti elektr energııasyna jumsalatyn 400 myń eýrony osylaısha únemdemek.
Flandrııada jaryqtandyrylǵan ortalyq joldardyń sanyn azaıtý energııany sonshalyqty únemdemeıdi, dep málimdedi jergilikti BAQ-qa Joldar jáne qozǵalys agenttiginiń (AWV) ókili Ketrın Kıkens.
«Búgin Flamandrııa kólik joldaryndaǵy jaryqtandyrýdyń úshten bir bóligi óshirilgen. Aldaǵy jyldary biz joldaǵy tirekterdiń birazyn bólshekteıtin bolamyz. Jol qyzmeti qolaısyz aýa-raıy nemese apat jaǵdaıynda jumys isteı alatyn jaryqtandyrýdyń 40%-yn baqylaıdy. Jol shamdarynyń 25 paıyzy áli janyp tur», - deıdi Ketrın Kıkens.
Aımaqtyq joldarǵa keletin bolsaq, Belgııa úkimeti úshin ol jaqta aqsha únemdeý qıynyraq.
«Mundaǵy jaǵdaı kúrdelirek, joldaǵy jaıaý júrginshiler men velosıpedshiler árqashan kórinýi kerek. Sondyqtan ol jerde jaryq táýlik boıy qosýly, biraq aldaǵy jyldary biz aımaqtyq joldardaǵy eski jaryqtandyrýdy jaryqdıodty shamdarǵa aýystyryp, óńirlerde elektr energııasyn tutynýdy 16%-ǵa deıin tómendetemiz», - dep atap ótti bılik.
Buǵan deıin Belgııanyń federaldy úkimeti qazirgi energetıkalyq daǵdarys jaǵdaıynda otbasylar men bızneske kómek kórsetetini habarlanǵan bolatyn. Tutynýshylar qarasha jáne jeltoqsan aılarynda elektr energııasy úshin aıyna 61 eýro kóleminde memlekettik tólem alatyn bolady.
Foto: www.vrt.be
