Belgııada «Til-Qazyna» mádenı ortalyǵy ashyldy
Osy ortalyq arqyly dıplomattar men qazaq dıasporasynyń balalary qazaq tilin, tarıhyn jáne mádenıetin oqyp, elshiliktiń kitaphana qoryn paıdalaný múmkindigin aldy.
«Til - halyqtyń tarıhy, til - ulttyń murasy, til - bizdiń abyroıymyz ben maqtanyshymyz jáne baılyǵymyz. Mine óz otanynan jyraqta júrgen búldirshinderimiz jáne olardyń otbasylary úshin mádenı ortalyǵymyzdyń esigin ashyp otyrmyz. Sonymen qatar, qazaq mádenıeti jáne tilimen tanysamyn degen basqa da qonaqtarymyzdy asyǵa kútemiz», - dedi Belgııadaǵy Qazaqstan Elshisi Aıgúl Quspan.
Ázirge ortalyq 30 balany qabyldaýǵa daıyn jáne jaqyn arada beınebaılanys arqyly aýdıtorııany keńeıtý josparlanǵan.
Belgııada Qazaqstannyń 600 azamaty turyp jatyr, oǵan qosa Qazaqstannyń 430 balasyn belgııalyq azamattar asyrap alǵan.
«Bolashaqta Qazaqstannan asyrap alynǵan balalardy, qazaq dıasporasy balalaryn ortalyq jumysymen tanystyrýdy josparlap otyrmyz. Bizdiń ortalyq Otanmen baılanysty jalǵaýǵa kómektesedi dep úmittenemin», - dedi dıplomat.
Elshiliktiń habarlaýynsha, Brıýsseldegi mádenı ortalyq otandastar turaqty kezdesetin, mádenı-aǵartý sharalary ótetin orynǵa aınalady.
