Belgııada tikushaq qulady, zardap shekkender bar
ASTANA. QazAqparat - Belgııanyń Templý qalasynyń mańaıynda bolǵan áýe apatynyń saldarynan 4 adam jeńil jaraqat aldy, dep habarlaıdy Habar 24.
Jergilikti agenttiktiń málimetinshe, ushqysh pen úsh jolaýshynyń ómirine eshqandaı qaýip tónip turǵan joq. Olarǵa medıtsınalyq kómek kórsetilip jatyr. Sondaı-aq belgili bolǵandaı, tikushaq jergilikti aerodromnan usha bergende 10 metrlik bıiktikten qulaǵan.
Aldyn ala málimet boıynsha, áýe apatyna tehnıkalyq aqaý sebep bolýy múmkin. Qazir oqıǵanyń mán-jaıy anyqtalyp jatyr.
