Belgııada temirjolshylar ereýili jol qozǵalysyn shektedi
BRıÝSSELЬ. QazAqparat - Belgııanyń frantsýztildi aımaǵy Vallonııada temirjolshylardyń ereýili poıyzdar men kólikterdiń qozǵalysyn tejedi, dep habarlady dúısenbi kúni «RTBF» teleradıokompanııasynan.
Tańǵy qarbalas mezgilde eldiń basty kúre joldarynda, ásirese, Brıýssel, Namıýr, Lej boıynsha baǵyttarda jalpy uzaqtyǵy 500 shaqyrymnan asatyn úlken keptelis paıda boldy.
Vallonııada ótken jumada kásipodaqtardyń belgııalyq temirjol operator kompanııasymen eńbek ahýalyn jaqsartý týraly kelissózderi nátıjesiz aıaqtalǵan soń narazylyq sherýleri bastaldy.
Narazylyq aktsııasyna baılanysty Belgııanyń aýmaǵynda 30 jáne 31 mamyr kúnderi poıyzdardyń ishki qozǵalysy shekteldi.
