Belgııada temirjolshylar ereýili saldarynan poıyzdar qozǵalysy toqtap qaldy
BRıÝSSELЬ. QazAqparat - Belgııada temirjolshylardyń narazylyq bildirý sharasy saldarynan elde poıyzdar qozǵalysy toqtap kaldy.
Belgııa temirjolshylar kásipodaǵynan habarlaǵandaı, elde kún saıyn qatynaıtyn 1000 poıyzdyń búgin 50-ge jýyǵy ǵana jolǵa shyqqan. Sondaı-aq Brıýsselmen Parıjdy, Amsterdamdy jáne Londondy baılanystyratyn «Talıs» jáne «Evrostar» jedel poıyzdary da óz qozǵalystaryn toqtatty. Bul jaǵdaı eldegi negizgi avtomobıl joldaryndaǵy qozǵalysty kúrdelendire tústi. Barlyq avtomagıstraldarda birneshe shaqyrymǵa sozylǵan kólik keptelisteri oryn aldy. Narazylyqqa jumysshylar qurylymyn ózgertý josparymen qyzmetkerlerdiń kelispeýi jáne olar qalaǵan ýaqytta eńbek demalysynyń berilmeýi sebep bolǵan. Kásipodaqtar sonymen birge Belgııa temirjol kompanııasy ákimshiligi jańa kadrlardy qabyldaý boıynsha jumysty jetkiliksiz atqaryp jatqanyn alǵa tartýda. Ereýil búgin jergilikti ýaqytpen saǵat 22.00-de aıaqtalady dep kútilýde.
