Belgııada temirjolshylar ereýilge shyqty
ASTANA. QazAqparat - Brıýssel men Vallonııa aımaǵy qalalarynyń arasyndaǵy temir jol qatynasy tolyǵymen toqtap qaldy, dep habarlaıdy 24.kz.
Belgııanyń ózge bir aımaǵy Flandrııada poıyzdardyń tek úshten ekisi ǵana qatynap júr. Eldegi kásipodaqtar ótkizgen jalpyulttyq ereýilden keıin temirjolshylar da aıaq astynan narazylyq sharasyna shyqty.
Ereýil ótken kúni olar kásipodaq múshelerin aımaqtardan Brıýsselge jetkizip júrgen edi. Al kesheden beri ereýilshilerdi qoldap, qatal únemdeý saıasaty zeınetke shyǵý jasyn kóterý jáne jumys aptasynyń uzarýyna qarsy shyqqan.
Poıyzdar qatynamaǵandyqtan, Belgııa joldarynda jalpy uzyndyǵy 360 shaqyrymǵa jetetin kólik keptelisi paıda boldy.
«Kásibimizdiń ereksheligin eskere otyryp, 36 saǵattyq jumys aptasy men 50 kúndik eńbek demalysy jáne syıaqylar men ótemaqylardyń keń tizbesi saqtalýy tıis. Áıtpese ózge eýropalyq tasymaldaýshylarmen básekelese almaımyz», - dedi SNBC kásipodaǵynyń bas hatshysy Mıshel Abdıssı.
