Belgııada temirjol apatynyń qurbandarynyń sany 18 adamǵa jetti
ASTANA. Aqpannyń 16-sy. QazAqparat - Dúısenbi kúni tańerteń Belgııada eki poıyzdyń soqtyǵysyp qalǵanyn álemdik buqaralyq aqparat quraldary buǵan deıin habarlaǵan bolatyn.
Oqıǵa saldarynan 18 adam qurban bolyp, taǵy 125-ke jýyq adam túrli jaraqat alyp otyr. Brıýsseldiń ońtústik-batysynda 15 shaqyrymdaı jerde ornalasqan jáne apat bolǵan jerge jaqyn Halle qalasynyń ókimeti osyndaı resmı málimetter taratýda, dep habarlaıdy ITAR-TASS agenttigi.
Tergeý málimeti boıynsha, temirjol apatyna mashınısterdiń biriniń baǵdarshamnyń tyıym salǵan belgisine nazar aýdarmaýy sebep bolǵan. Eki mashınıst te opat boldy. Brıýssel prokýratýrasy tergeýge kiristi.
Apat saldarynan stansy da edáýir zardap shegip otyr. Brıýssel men Parıjdiń jáne Londonnyń arasyndaǵy temirjol qatynasynyń qashan qalpyna keltiriletini ázirge beımálim.
