Belgııada saılaýshylardyń belsendiligi joǵary bolady dep kútilýde
BRıÝSSELЬ. QazAqparat - Búgin Brıýsseldegi QR-nyń Belgııadaǵy Elshiliginde jergilikti ýaqyt boıynsha saǵat 7:00-de №191 saı laý ýchaskesi saltanatty jaǵdaıda ashyldy.
Saılaý ýchaskesi ashylǵan soń onda QR Parlamenti Májilisiniń depýtattaryn saılaý qarsańynda Eýropaǵa kelgen bizdiń otandasymyz Sáýle Áltaeva birinshi bolyp daýys berdi.
«Eýropaǵa saparym aldyn ala josparlanǵan edi, biraq saılaý ótetin kúndi bilgende, azamattyq boryshymdy oryndap, shetelde daýys berýdi sheshtim. Tártip boıynsha, mekenjaı boıynsha shyǵarý talonyn alyp, daýys berýge birinshilerdiń biri bolyp keldim», - dedi Sáýle Aldabergenqyzy.
№ 191 saılaý ýchaskesiniń ýchaskelik saılaý komıssııasynyń tóraǵasy, QR-nyń Belgııadaǵy Elshiliginiń keńesshi-elshisi Berik Ábdýshevtiń atap ótýinshe, daýys berý jergilikti ýaqyt boıynsha saǵat 20:00-ge deıin jalǵasady. Bıýlletender sanalǵan soń, daýys berý qorytyndylary jazylǵan qajetti qujattar Astanadaǵy Ortalyq saılaý komıssııasyna jiberiledi. QR-nyń Belgııadaǵy Elshiliginiń málimetterinshe, QR Parlamenti Májilisiniń depýattaryn saılaýda saılaýshylardyń kóp sany kútilip otyr. Brıýsseldegi saılaý ýchaskesi Belgııa jáne Lıýksembýrgta turyp jatqan nemese ýaqytsha júrgen 214 qazaqstandyqty qabyldaýǵa daıyn.
