Belgııada narazylyqqa shyqqandar men polıtseıler qaqtyǵysyp qaldy
Internette afrıkalyq áıeldi polıtsııa qyzmetkerleri ustap áketkeni týraly vıdeo taralǵannan keıin Belgııada narazylyq bastaldy.
Polıtsııa qyzmetkerleri 40-tan asqan áıelge onyń qujattaryn teksermek bolǵan kezde kúsh qoldanǵan.
Qoǵamdyq narazylyqqa áıeldiń úsh balanyń anasy ekendigi túrtki boldy.
Sonymen qatar, belgııalyq buqaralyq aqparat quraldary atalǵan áıel polıtsııa qyzmetkeriniń qolynan «tistep alǵanyn» jazady.
Senbi kúni Sen-Lambert alańynda «Black Lives Matter» qozǵalysynyń 200-ge jýyq jas belsendileri jınaldy.
Sodan keıin keıbir narazylyq bildirýshiler agressııa kórsete bastaǵan.
Saǵat 15:00-de mototsıklden jerge laqtyrylǵan polıtsııa qyzmetkeri jaraqat aldy.
Odan keıin bir top adam Frantsýz Respýblıkasy alańyndaǵy jyldam tamaqtaný meıramhanalarynyń birine shabýyl jasap, jaqyn mańda turǵan kólikter qırap, qoqys jáshikteri aýdarylǵan.
Lej ákimi qala ortalyǵyndaǵy barlyq saýdagerlerge dúkenderin jabýdy talap etip habarlama jiberdi.
Sondaı-aq, belsendiler polıtsııa bólimshesi men Lej qalalyq ákimdiginiń terezelerin syndyrdy. Nátıjesinde 11 polıtsııa qyzmetkeri jaraqat alyp, birneshe ondaǵan adam ustaldy.
