Belgııada musylmandar sany artyp keledi
ASTANA. 14 naýryz. QazAqparat - Búgingi tańda Belgııada 625 myń musylman ómir súrip jatyr. Bul Belgııa halqynyń alty paıyzyn quraıdy. Al Brıýsselde 300 myńdaı musylman turady. Bul el astanasy turǵyndarynyń tórtten biri. Eýropadaǵy musylmandar kóp shoǵyrlanǵan Brıýsselde 2030 jylǵa qaraı ıslam dinin ustanatyndar azshylyqtan kópshilikke aınalady. Bul derekti áleýmettanýshy Felıche Dasetto keltirip otyr, dep habarlaıdy muslim.kz.
American Thinker basylymynda jaryq kórgen maqalada aıtylǵandaı, Islam partııasy deklaratsııasymen birge úsh negizgi talabyn qoıyp otyr: 1) qoǵamdyq tamaqtandyrý oryndarynda halal taǵam túrlerin engizý; 2) musylmandardyń aıtýly kúnderin atap ótý; 3) musylman qyz-kelinshekteriniń qoǵamda sharıǵat talaptaryna saı kıinip júrýine eshqandaı kedergi týdyrmaý.
Antverpenniń bastaýysh mektepterinde musylman balalardyń qarasy kóp. Ul balalardyń arasynda eń kóp taraǵan esim - Muhammed. Elde meshitter men ǵıbadat úıleri kóptep kezdesedi. Qoǵamdyq oryndardan sharıǵat shálisin jamylǵan áıelder jıi ushyrasady.
