Belgııada mektep qulap, alty adam qaza tapty
ANTVERPEN. QazAqparat – Belgııanyń Antverpen qalasynda salynyp jatqan mektep qulap, alty adam mert boldy, olardyń beseýi sheteldikter. Bul týraly QazAqparat The Brussels Times gazetine silteme jasap habarlaıdy.
Opat bolǵan qurylysshylardyń kópshiligi sheteldikter – Portýgalııanyń úsh azamaty, bir Rýmynııa azamaty jáne bir Reseı azamaty. Qaıǵyly oqıǵa ornyna osy elderdiń elshileri bardy. Prokýratýra organdary tergeýge qosyldy.
Antverpen ınjenerlik departamentiniń mamandary jańa ǵımarattyń qulaýyna ne sebep bolǵanyn anyqtaýda. Qazirgi ýaqytta mektep qurylysyn bitirý múmkin bolatynyna kúmán bar, qala basshylyǵy qurylysy aıaqtalýǵa jaqyn barlyq ǵımaratty buzýǵa týra keletinin joqqa shyǵarmaıdy.
