Belgııada koronavırýstyń «úshinshi» tolqyny týraly aıta bastady

BRıÝSSELЬ. QazAqparat – Belgııanyń «Sciensano» qoǵamdyq densaýlyq saqtaý ınstıtýtynyń málimetinshe, elde COVID-19 vırýsyn juqtyrý jáne aýrýhanaǵa jatqyzý oqıǵalarynyń sany kúrt ósip keledi, dep habarlaıdy QazAqparat.

17-23 aqpan kúnderi aralyǵynda koronavırýsqa shaldyǵýdyń ortasha eseppen alǵanda 2 372,9 jańa oqıǵasy tirkeldi, bul bir apta buryn ýaqyttaǵy sanaýdan 25 paıyz kóp.

Belgııada pandemııa bastalǵaly COVID-19 vırýsyn 766 654 adam juqtyrǵan. Sońǵy eki aptada 100 myń adamǵa shaqqanda 259,7 myń oqıǵa anyqtaldy.

20-26 aqpan aralyǵynda aýrýhanaǵa ortasha eseppen alǵanda 137,9 patsıent kelip tústi, bul bir apta burynǵy kórsetkishten, 16 paıyz kóp.

Belgııa aýrýhanalarynda jalpy alǵanda koronavırýsqa shaldyqqan 1838 patsıent em alyp jatyr, bul aldyndaǵy kórsetkishten 77 oqıǵaǵa joǵary. Bul rette 400 patsıent jansaqtaý bóliminde jatyr.

Qazirgi kezde Belgııada 461 060 adamǵa (18 jáne odan eresek jastaǵy turǵyndardyń 5 paıyzy) vaktsına egildi, sonyń ishinde 296 169 turǵyn vaktsınanyń eki dozasyn alyp úlgerdi.

Infektsııanyń taralý koeffıtsıenti 1,12-ni quraǵan. Bul koronavırýsqa shaldyqqan bir adamnyń ortasha eseppen alǵanda bir adamǵa vırýs juqtyratynyn jáne pandemııanyń qaıta órship jatqanyn bildirtip otyr. Belgııa sarapshylary atalǵan statıstıkada pandemııanyń «úshinsh tolqynyn» kórip otyr.