Belgııada qonǵaly jatqan F-16 ushqyshynyń kózine lazer sáýlesin túsirgen
NUR-SULTAN. QazAqparat – Belgııalyq F-16 joıǵyshynyń ushqyshy eldiń soltústik-shyǵysyndaǵy Klıaın-Brogel áýe bazasy aýmaǵynda ushyp bara jatqan sátte belgisiz bireýler onyń kózine lazer sáýlesin túsirgen, dep habarlaıdy QazAqparat RTL telearnasyna silteme jasap.
Telearna málimetinshe, oqıǵa Lımbýrg provıntsııasynyń ústinen ushyp bara jatqan sátte bolǵan. Ushqysh áýe bazasyna qondy, zardap shekkender joq, materıaldyq shyǵyn kelmegen. Jergilikti polıtsııa tergeýdi bastap, BAQ jáne áleýmettik jeliler arqyly azamattardy oqıǵaǵa kináli adam jaıly aqparat berýge shaqyrdy.
Klıaın-Brogel bazasy Belgııadaǵy NATO-nyń iri áýe bazasy jáne amerıkalyq atom bombalary saqtalatyn Eýropadaǵy bazalardyń biri bolyp tabylady.
