Belgııada karnavalǵa qatysyp jatqan adamdardy kólik qaǵyp, 4 adam mert boldy
BRıÝSSELЬ. QazAqparat – Belgııada kólik adamdardy qaǵyp ketti. Strepı-Brakenı qalasynda bolǵan oqıǵa saldarynan 20 naýryz kúni 4 adam mert bolyp, 30-dan astam adam jaraqat aldy, dep habarlaıdy QazAqparattyń menshikti tilshisi.
Alǵashqy málimetterge qaraǵanda, kólik júrgizýshisi oqıǵa ornynan boı tasalamaq bolǵan, alaıda ol qolǵa tústi.
Kýágirlerdiń sózine qaraǵanda, kólik karnavalǵa qatysyp jatqan adamdardyń eń kóp jınalǵan jerine kirip ketken.
Karnaval sharasyna 150 adam qatysqan.
Belgııanyń Іshki ister mınıstri Annelıs Verlınden osy oqıǵa saldarynan mert bolǵandar men zardap shekkenderdiń otbasylaryna kóńil aıtty.
«Erekshe qýanyshty jaǵdaıda sán-saltanatpen ótýi tıis shara qaıǵyǵa ulasty»,-dep jazdy ol óziniń Twitter paraqshasynda.
Arnur Rahymbekov
