Belgııada iPhone-6 kesirinen ózge gadjetterdiń satylymy tómendedi
BRıÝSSELЬ. QazAqparat - Belgııada ótken jyldyń kúzinde shyqqan iPhone-6 smartfonynyń jappaı satylymy saldarynan ózge gadjetterdiń satylymy tómendedi. 2014 jyldyń qorytyndysy boıynsha, nemistiń tutynýshylyq zertteý qoǵamy júrgizgen naryq saraptamasy osyǵan dálel.
Ótken jyly Belgııadaǵy smartfondar naryǵy 2013 jylmen salystyrǵanda 29% ósip, satylǵan qurylǵy sany 2,8 mln-ǵa jetken. GfK baǵalaýynsha, smartfondar saýdasyndaǵy jalpy tabys 835 mln. eýrony qurady. Bul 2013 jylǵy kórsetkishten 22 paıyzǵa artyq.
GfK smartfondarǵa degen suranystyń artýyn 2014 jyldyń kúzinde satylymǵa iPhone-6 shyǵýymen baılanystyrdy.
Qarapaıym telefondardyń satylýy 26% qysqarǵany atalyp ótildi. Planshet saýdasy da 6 paıyzǵa deıin tómendegen. Al olardyń ortasha baǵasy 2013 jylmen salystyrǵanda 28 eýroǵa quldyrady.
