Belgııada ınflıatsııa deńgeıi turaqtaldy
BRıÝSSELЬ. QazAqparat – «Statbel» Belgııa statıstıka agenttiginiń málimetinshe, Belgııada ınflıatsııa deńgeıi sáýirde 8,3%-dy quraǵan, dep habarlaıdy QazAqparat menshikti tilshisi.
Inflıatsııa sáýirde turaqtaldy, 2021 jyldyń qańtarynan beri alǵash ret ósýin toqtatty. Soǵan qaramastan, elde baǵanyń jalpy deńgeıiniń turaqty ósýi +8,31%-dan joǵary bolyp otyr. Bul Belgııadaǵy 1983 jyldyń naýryzynan bergi eń joǵary ınflıatsııa.
Sáýirde negizinen et, nan jáne astyq qymbattaǵan. Avtomobıl, qonaqúıde turý, kókónis, sondaı-aq qyzmet kórsetý jáne avtomobıl jóndeý qymbattaǵan. Otyn, tabıǵı gaz, kıim-keshek jáne telekommýnıkatsııalyq qyzmetter baǵasy tómendegen.
Belgııa úkimeti el turǵyndarynyń keıbir tabysyna ındeksatsııalaý júrgizbekshi. Áleýmettik tólemder, zeınetaqy mamyrda 2%-ǵa, maýsymda memlekettik qyzmetshilerdiń jalaqysy 2%-ǵa ósedi.
