Belgııada ereýilge baılanysty áýe qatynasy toqtady
BRıÝSSELЬ. QazAqparat - Belgııa áýe qozǵalysyn basqarý qyzmeti (Skeyes) jalpy ulttyq ereýilge baılanysty bir táýlikke eldegi áýe keńistigin jabatynyn habarlady, dep habarlaıdy QazAqparat tilshisi.
Habarlanǵandaı, áýe qozǵalysy 13 aqpan 22:00-ge deıin jabylady. Bul shekteý seısenbi, 12 aqpan keshkisin qoıyldy.
24 saǵattyq ereýildi kásipodaqtar bastaǵan. Olar jalaqyny kóterýdi talap etip jatyr.
Ereýilge baılanysty ushaqtardyń ǵana qozǵalysy emes, qoǵamdyq, temirjol jáne teńiz kólikteriniń de qozǵalystaryna shekteý qoıylyp jatyr.
Sondaı-aq, bul ereýilge eldegi barlyq memlekettik mekemeler qatysady. Bilim berý, kommýnaldyq jáne jedel qyzmet, sonyń ishinde qutqarýshylar men polıtsııa jumysy da jartylaı toqtaıdy.
