Belgııada eki jolaýshylar poıyzy soqtyǵysyp qaldy: 30-40 adam zardap shekti
ASTANA. Qyrkúıektiń 16-sy. QazAqparat - Belgııada eki jolaýshylar poıyzynyń soqtyǵysýy saldarynan 30-40 adam zardap shekti. Buǵan deıingi aqparattarda 20 adamnyń zardap shekkeni aıtylǵan bolatyn. Eki jaraly aýrýhanaǵa túsken. Belgııalyq basylymdardyń naqtylaýynsha, qalǵan zardap shekkenderge oqıǵa ornynda kómek kórsetilgen, dep habarlaıdy RBK agenttigi.
Temirjol apatynyń ornyna Lıýksembýrg provıntsııasynyń gýbernatory men Arlon qalasynyń meri bardy. Soqtyǵysardyń aldynda poıyzdar baıaý jyldamdyqpen júrip kele jatqandyqtan, adam qurbandyǵynyń aldy alynyp otyr. Apattyń sebebi anyqtalyp jatyr. Aldyn-ala derekter boıynsha, poıyzdyń bireýi semafordyń tyıym salǵan belgisine qaramaı ótip ketken.
