Belgııada eki poıyz soqtyǵysyp qaldy
ASTANA. 1 qazan. QazAqparat - Búgin Belgııada Nıderlandymen shekaraǵa jaqyn jerde eki taýar poıyzy soqtyǵysyp qaldy. Alǵashqy málimetter boıynsha zardap shekkender joq.
Jergilikti BAQ habarlaǵandaı, týnnelge kire bergende kópirde turǵan poıyzdardyń birine ekinshi poıyz kelip soqtyǵysqan. Avtokólikter tıelgen úsh vagon relsten shyǵyp ketip, 20 metrge jýyq bıiktikten qulaǵan.
Apat saldarynan joldar búlingen. Osyǵan baılanysty Vıze jáne Monzen qalalary arasyndaǵy poıyzdar qozǵalysy beısenbige deıin toqtatylmaq. Oqıǵa aımaqtaǵy, ásirese, Germanııadaǵy Antverpena jáne Rýrsk oblysy porttary arasyndaǵy taýar qatynasyn buzdy.
Qazirgi ýaqytta apat sebepteri belgisiz qalyp otyr. Oqıǵa ornynda tergeýshiler men qutqarýshylar jumys isteýde.
