Belgııada eki áıel polıtseıdi atyp óltirgen kúdiktige qatysty jańa derekter shyqty
BRıÝSSELЬ. QazAqparat - Belgııanyń Lej qalasynda eki polıtseıdi atyp, kepil retinde bir adamdy tutqynǵa alǵan kúdiktiniń tulǵasy anyqtaldy, dep habarlaıdy «QazAqparat» HAA-nyń menshikti tilshisi RTBF teleradıokompanııasyna silteme jasap.
1982 jyly týǵan Benjamın Erman Lejdiń ortalyq dańǵyldarynyń birinde polıtseılerge oq atyp, sonyń saldarynan eki tártip saqshysy oqıǵa ornynda qaza tapqan. Ol aldymen polıtseılerge pyshaqpen shabýyl jasap, qarýyn tartyp alǵan, artynsha sol qarýmen ózderin atyp salǵan.
Polıtseılerdi óltirgen soń qaskóı avtoturaqta turǵan avtomobıldegi 22 jastaǵy jigitti atyp óltirgen. Sodan keıin shabýylshy jaqyn jerde ornalasqan mektepke baryp, áıel adamdy kepil retinde tutqyndaǵan. Jedel sharalar nátıjesinde qaskóı atyp óltirildi.
«Іs sotqa «terrorızm» babymen tirkeldi», - dep málimdedi Lej prokýratýrasy.
RTBF taratqan habarǵa qaraǵanda, qaskóı buǵan deıin esirtkimen baılanysty qylmys jasap túrmege jabylǵan, biraq ýaqytsha bostandyqqa shyǵarylǵan. Ol dúısenbi kúni keshkisin túrmege qaıta oralýy tıis bolatyn.
Habarlarǵa qaraǵanda, Erman sol aralyqta Lıýksembýrg provıntsııasynda da kishigirim qylmys jasap úlgergen.
Benjamın Erman túrmede júrgen kezinde radıkaldy ekstremısterdiń yqpalyna túsken bolýy múmkin degen boljamdar bar.
Foto: RTBF
