Belgııada eki áýe kompanııasy qyzmetkerleriniń ereýiline baılanysty ondaǵan reıs toqtatyldy

BRıÝSSELЬ.QazAqparat – «Ryanair» (Irlandııa) avıakompanııasynyń belgııalyq fılıaly qyzmetkerleriniń ereýiline baılanysty birqatar reıster toqtatyldy, dep habarlaıdy QazAqparattyń menshikti tilshisi.

Irlandııanyń «Ryanair» áýe kompanııasynyń belgııalyq qyzmetkerleri juma kúni tańerteń úsh kúndik ereýilge shyqty. Іri «loýkosterdiń» bortserikteri men ushqyshtary ózderiniń eńbek jaǵdaılarynyń nasharlyǵyna narazy.

Olar sonymen qatar ırlandııalyq áýe kompanııasyn Belgııanyń eńbek zańnamasyn saqtamady dep aıyptaıdy. Avıakompanııa kásipodaǵynyń ókili jýrnalısterge «Ryanair»-diń Belgııada kadrlar jónindegi ókili joq ekenin jáne jalaqy sonshalyqty tómen ekenin, ol keıbir jaǵdaılarda Belgııa zańnamasynda belgilengen eń tómengi jalaqydan da tómen ekenin aıtty.

Ereýilder saldarynan Brıýsseldiń janyndaǵy Zaventem áýejaıyna jáne Sharleroı áýejaıyna ushyp ketýi nemese qonýy tıis ondaǵan reıs toqtatyldy.

Belgııa teledıdary «Ryanair» aldaǵy úsh kúnde qansha reıs toqtatylatyny týraly áli málimdeme jasamady dep habarlaıdy.

«Ryanair» kompanııasynyń basqa elderdegi qyzmetkerleri de jaqyn kúnderi ereýilge shyǵýdy josparlap otyr.

Búgin tańerteń Portýgalııa men Ispanııadaǵy áýe kompanııasynyń qyzmetkerler úsh kúndik ereýilge shyqty. «Ryanair» kompanııasynyń Ispanııadaǵy qyzmetkerleri de kelesi beısenbi, juma jáne senbi kúnderi ereýilge shyqpaq. Soynmen qatar Frantsııadaǵy Ryanair qyzmetkerleri erteń jáne jeksenbi narazylyqqa shyǵady.