Belgııada dızel men benzın qymbattap barady

BRıÝSSELЬ. QazAqparat – Belgııada dızel men benzın baǵasynyń ósýi tutyný taýarlarynyń qymbattaýyna áser etip jatyr. Bul týraly Belgııa kólik qyzmetkerleriniń múddelerin usynatyn Febetra uıymy málim etti, dep habarlaıdy QazAqparattyń menshikti tilshisi.

Qazirgi kezde Ýkraınadaǵy jaǵdaıǵa baılanysty energetıkalyq naryqta baǵa ósip jatyr. Mysaly, juma kúni Belgııada dızel otynynyń baǵasy 2,0840 eýroǵa deıin ósti. Atalaǵan otynnyń baǵasy birinshi ret eki dollardan asyp otyr. Sonymen qatar benzın baǵasy da ósýde. Elde AI-95 benzıniniń bir lıtri 1,98-2,10 eýroǵa jetti.

«Osyǵan baılanysty tasymaldaýshylar qyzmetteriniń baǵasyn kóterýge májbúr bolyp otyr», - dedi Febetra uıymynyń dırektory Fılıpp Degraef.

Onyń aıtýynsha, Belgııa úkimeti janarmaı beketterinde baǵa shegine jetken jaǵdaıda, dızel otynynyń aktsızin tómendetýge usynys jasady.

Belgııa sýpermarketterinde baǵa 2020 jyldyń basymen salystyrǵanda, 2022 jyldyń alǵashqy aptalarynda onsyz da 3-5%-ǵa kóterilgen.

«Ekonomıkalyq ahýalǵa baılanysty búgingi kúni baǵa ótken jylmen salystyrǵanda edáýir ósken – keri jaǵdaıda paıda tabý múmkin bolmaı qalar edi», - dedi F. Degraef.