Belgııada densaýlyq saqtaý qyzmetkerleri ereýilge shyqty
ASTANA. QazAqparat – Belgııada densaýlyq saqtaý salasy qyzmetkerleri narazylyq sharasyn ótkizýde: aktsııa qatysýshylary jalaqyny kóterip, eńbek jaǵdaılaryn jaqsartýdy talap etip jatyr. Sondaı-aq aýrýhana men qarttar úılerinde qyzmetkerler sanyn arttyrý qajettigin aıtýda, dep habarlaıdy QazAqparat Euronews-ke silteme jasap.
Brıýssel kóshelerine 20 myńǵa jýyq adam shyqqan.
Bılik ókilderi narazylyq bildirýshiler máselesi sheshýdi qajet etetinin moıyndady, biraq ázirge tek jospar usyndy.
«Munda kelgendegi talabymyz – meıirbıkeler sanyn arttyrý qajet, sondaı-aq bul mamandyq jastardy qyzyqtyratyndaı bolýy kerek. Sebebi bul mamandyqta jumys isteı júrip turaqty otbasylyq ómir qurý qıyn», - deıdi medbıke Tanııa Genderes.
Belgııa kásipodaǵy úkimettiń is-áreketin synǵa aldy – koronavırýs daǵdarysy kezinde kóptegen densaýlyq saqtaý qyzmetkeri júktemeni kótere almaı jumystan shyǵyp qalǵan. Bul rette, olardyń orny toltyrylmaı, qyzmetkerler naýqastarǵa durys qaraı almaı jatyr. Soǵan qaramastan bıýdjetten bul salany qoldaý sharalary qarastyrylmaı otyr.
Vıdeodan alynǵan kadr/Avtorlyq quqyq AP
