Belgııada áıelder arasynda ókpe qaterli isigi kóbeıgen
BRıÝSSELЬ. QazAqparat – Jyl saıyn 1 tamyzda atap ótiletin Dúnıejúzilik ókpeniń qaterli isigi kúni aıasynda Belgııanyń osy dertpen kúres qory áıelderdiń shylym shegýine nazar aýdarýǵa shaqyrdy, dep habarlaıdy QazAqparattyń menshikti tilshisi.
Ókpeniń qaterli isigi Belgııada áıelder arasynda keń taraǵan aýrýlar boıynsha úshinshi orynnan ekinshi qatarǵa kóterildi. Belgııanyń qaterli isikpen kúres qorynyń dereginshe, oǵan keıingi birneshe jylda áıelder arasynda shylym shegýdiń artqany sebep.
«Oǵan qosa, bul syrqatty emdeý qıyn jáne saldary da aýyr», - dep eskertti uıym.
Mundaı derekterdi estigen Belgııa belsendileri dabyl qaǵyp jatyr.«Shylym shegetin áıelderdiń artqany ókpeniń qaterli isiginiń kóbeıýine sebep boldy», - delingen qordyń aldyn alý sharalaryn kúsheıtý týraly habarlamasynda.Ókpeniń qaterli isigi 2021 jyly Belgııa erkekteri arasynda taraǵan aýrýlar boıynsha ekinshi orynda turdy. Sol kezde dertke jańadan şaldyqqan 5675 adam tirkelgen bolatyn. Qazirgi ýaqytta qaterli isik áıelder arasynda ekinshi orynda – sút bezi qaterli isigi men toq ishek qaterli isiginen keıin tur. Bıyl 3,5 myńnan astam adam syrqattanǵan.2021 jyly ókpeniń qaterli isigi Belgııanyń 6 myńǵa jýyq turǵynynyń ómirin qıdy, onyń 3673-i erler bolsa, 1994-i adam – áıel. Mundaı dıagnoz qoıylǵan adamdardyń aman qalý múmkindigi keıingi 5 jylda Eýropa elderinde tómen: erler - 22,8%, áıelder - 31,4%.
«Qaterli isiktiń osy túrleriniń 90%-ne tabak ónimderi sebep bolǵan. Aldyn alý sharalaryn jalǵastyryp, temeki shegetin adamdardy zııan ádetten bas tartatyn kezde qoldap, keler urpaqty tabaksyz ósirý úshin bárin isteýimiz kerek», - dep qorytty Belgııa Qaterli isikpen kúres qory.
